Tula Mula sa Puso

Sumpong
‘Wag kang mangusap
Sa pusong mailap
Sandaling hinahanap
Ang isip sa alapaap

Di na Natuto
Umikot ang mundo
Naging isa naging tatlo
Nagmahal, nag-alburuto
Di natinag, di natuto

Patawad
Sa pusong naghinagpis
Sa pusong nagtitiis
Sa pusong nagnanais
Sa pusong umiibig

Sa kabila ng Lahat
Nagmahal ka na’ng lahat
Sa huli pala’y di pa sapat
Anong mali, anong kulang, anong dapat
Anong labis, anong sakit, anong malas

Nandito lang ako
Sa kabila ng lahat
Sa sakit, sa sugat
Umasang sa pagmulat
Pag nag-isa’y may yayakap

Salamat
Samalat kaibigan
Sa ‘yong kabaitan
Sa ‘yong kabutihan
Salamat kaibigan


Be Happy
May lumisan
May lumimot
May parating
May papasok

Breyk-Ap

Binigkas kang masakit

Sumusulasok sa dibdib

Waring bugkos na tinik

Itinanim ng paslit

Sakal, Sakali
Sa ‘yong pagmamahal
Ako’y nasasakal
Sakaling bumitaw
‘Wag sanang magdamdam